شہیدبے نظیر بھٹویونیورسٹی کی طرف سے ڈگریوں کی چترال ڈیلنگ آفس سے فراہمی ایک مستحسن اقدام ہے۔ اے ٹی اے چترال چترال

(بشیر حسین آزاد ) آل ٹیچرز ایسوسی ایشن چترال کے ضلعی صدر مظفرالدین، تحصیل دروش کے صدرسردار حسین ، جنرل سیکریٹری ظفراحمد و دیگر نے شہیدبینظیر بھٹو یونیورسٹی شیرینگل دیربالا کی انتظامیہ کی جانب سے آئندہ تمام قسم کی ڈگریوں کوتیاری کے بعد چترال ڈیلنگ آفس بھیجنے کے فیصلے کو مستحسن اقدام قراردیاہے ۔ اورطلباء کوتمام ممکنہ سہولتوں کوچترال ہی میں مہیا کرنے پرشہید بے نظیر بھٹو یونیورسٹی کے حکام بالخصوص وائس چانسلر ڈاکٹر خان بہادر مروت، رجسٹرار بادشاہ حسین اور کنٹرولرامتحانات ڈاکٹر محمد علی کا شکریہ ادا کیاہے۔ انہوں نے چترال کیمپس کے شعبہء امتحانات(چترال ڈیلنگ آفس) کی کارکردگی کو بھی سراہا ہے جوانتہائی قلیل عملے کے ساتھ ضلع کے طول و غرض پر پھیلے درجنوں کالجز اور ہزاروں پرائیویٹ طلباء کوہرممکن تعاون اوررہنمائی بطریق احسن بہم پہنچارہی ہے۔