جوٹیال پرنس کالونی میں بجلی کی غیر اعلانیہ لوڈ شیڈنگ کا خاتمہ کیا جائے۔غیر اعلانیہ لوڈ شیڈنگ کا دورانیہ 22گھنٹے

گلگت(نمائندہ خصوصی)جوٹیال پرنس کالونی میں بجلی کی غیر اعلانیہ لوڈ شیڈنگ کا خاتمہ کیا جائے۔غیر اعلانیہ لوڈ شیڈنگ کا دورانیہ 22گھنٹے سے تجاوز کر گیا ہے باقی اوقات میں بھی بجلی کی آنکھ مچولی ہوتی ہے۔عمائدین پرنس کالونی کا جینا دوبھر ہو گیا ہے۔ان خیالات کااظہار معروف سیاسی وسماجی طالب علم رہنما صابر حسین نے بانگ سحر سے گفتگو کرتے ہوئے کیا۔انہوں نے کہا ہے کہ محکمہ برقیات کے عملے کی من مانیوں سے پرنس کالونی کے عمائدین سخت ذہنی اذیت میں مبتلا ہیں۔بچوں کے تعلیمی مسائل مزید بڑھ رہے ہیں۔آئے روز ٹرانسفارمر دھماکے سے اڑ جاتا ہے۔لیکن محکمہ برقیات کے ملازمین کوئی بھی ٹھوس اقدامات نہیں اٹھا رہے ہیں۔محکمہ برقیات کے اعلیٰ حکام پرنس کالونی جوٹیال کے بجلی بحران کے خاتمے کیلئے اقدامات اٹھائیں اور عوامی مسائل حل کرنے میں کردار اداکریں۔

آپ یہ صفحات بھی دیکھنا پسند کریں گے ۔ ۔ ۔

اپنی رائے کا اظہار کریں

Your email address will not be published. Required fields are marked *