وزیر اعلیٰ صاحب کے ہر بیان کا خیر مقدم کرتے ہیں تعلیم دوست فرد کا وزیر اعلیٰ ہونا گلگت بلتستان کی خو ش قسمتی ہے۔

ahmed hussain nagriتعلیمی میدان میں کار کردگی دکھانے والے طلبہ کو بلا امتیاز صوبائی حکومت کی جانب سے وظائف کی اجراء خوش آئند ہے۔
محمد حسین جنرل سیکریٹری

پ۔ر)ہنزہ نگر ٹیچر ایسوسی ایشن کا ایک اہم اجلاس زیر صدارت احمد حسین نگری منعقد ہوا جس میں نگر سے تعلق رکھنے والے ٹیچرز ایسوسی ایشن کے نمائندوں نے شرکت کی۔ اجلاس میں سلام ٹیچرز ڈے کے حوالے سے بحیثیت مہمان خصوصی وزیر اعلیٰ گلگت بلتستان
جناب حافظ حفیظ الرحمان صاحب کے بیانات کو سراہا گیا ۔، اور اس ضمن میں تعلیمی پیش رفت میں آئندہ بروئے کار لانے والے اقدامات کی مکمل تائید کی گئی۔
علاوہ از یں وزیر تعلیم جناب ابراہیم ثنائی صاحب کا بھی شکریہ ادا کرتے ہوئے کہا گیا کہ معیار تعلیم میں بہتر کار کردگی لانے کے لیئے اساتذہ کی اعلیٰ کار کردگی پر ترقی اورناقص کار کردگی پر سزا دلانے کی اقدامات کو بھی سراہا گیا ، تا کہ اساتذہ مکمل دل جمعی اور دیانت داری سے اپنے فرائض کو بہ حسن خوبی انجام دے کر ایک تعلیم یافتہ اور ذمہ دار معاشرے کی تشکیل کو یقینی بنا سکیں ۔
اراکین ایسوسی ایشن نگر نے گذشتہ تین مہینے کی قلیل مدت میں کی گئی ترقیوں پر ارباب اختیار کا شکریہ ادا کیا اور ساتھ ہی ساتھ اس امید کا بھی اظہار کیا کہ اساتذہ کی ترقی کے سلسلے میں باقی ماندہ زیر التوا کیسز کو جلد حل کرنے کی اپیل کی ہے، تا کہ تمام اساتذہ مساویانہ سلوک سے فیض یاب ہوکر اپنے فرائض کی ادائیگی پر توجہ مرکوز کر سکیں ۔
آخر میں شرکاء میٹنگ نے جناب فیض اﷲ لون صاحب کے بحیثیت ڈائریکٹر ایکڈمکس گلگت ریجن اور جناب محمد حسن صاحب کے بحیثیت DDE ہنزہ نگر تعین ہونے پر انہیں مبارک باد پیش کرتے ہوئے اس امر کا اظہار کیا کہ سابقہ دور میں کیے گئے غیر قانونی اور نا انصافی پر مبنی اقدامات کی تلافی کرنے کی سفارش کی ۔ میٹنگ میں احمد حسین نگری ، سینئر وائس پریزیڈنٹ ،محمد حسین جنرل سکریٹری ، صادق علی ایڈیشنل جنرل سکریٹری محمد ابراہیم انفارمیشن سیکریٹری خادم حسین کوارڈنیٹر اور محمد صالح نے شرکت کی۔

آپ یہ صفحات بھی دیکھنا پسند کریں گے ۔ ۔ ۔

اپنی رائے کا اظہار کریں

Your email address will not be published. Required fields are marked *